Илјадници ја славеа победата на ПСЖ над Лајпциг
Илјадници навивачи на ПСЖ излегоа на улиците на Париз да го прослават пласманот во финалето во Лигата на шампионите. ПСЖ синоќа во Лисабон го совладаа Лајпциг со 3:0 и се пласираа во првото финале во елитното натпреварување.
Навивачите на ПСЖ имаа близок контакт со полицијата. Француските медиуми пишуваат дека полицијата со солзавец ја растерала толпата, а во судирите биле користени и пендреци.
Градот Париз има строги мерки за заштита од коронавирусот, откако повторно започна да се зголемува бројката на заразени.
Навивачите го блокирале сообраќајот во неколку улици, а пласманот во финалето го славеле со огномет и факели.
« On est en finale ! » chantent les supporters du #PSG après #PSGRBL . Les forces de l’ordre tentent d’éviter l’envahissement des Champs-Elysees pic.twitter.com/yjpVyA7WPO
— Yahoo Actualités (@YahooActuFR) August 18, 2020