И српскиот композитор Симјановиќ ја загуби битката со ковид 19

Легендарниот српски композитор Зоран Симјановиќ почина од последиците на коронавирусот на 75 години. Тој беше во болница последните две недели, а од ковид-19 се разболел по враќањето од скијање на Копаоник, каде што одбележала личен јубилеј – 65 години скијачка кариера.

Роден во Белград, популарниот Симке компонираше музика за 66 играни филмови, 55 ТВ-филмови и серии, како и повеќе од 50 театарски претстави, документарци и цртани филмови. Негова е музиката за култните југословенски филмови „Специјално образование“, „Мирисот на полските цвеќиња“, „Национална класа“, „Течат деновите на Земјата“, „Се сеќаваш ли, Доли Бел“, „Татко на службен пат“, „Сок од сливи“ , „Маратонците го трчаат по почесниот круг“, „Балкан експрес“, „Вариола вера“, „Тајванска канаста“, „Јагоди во грлото“, „Собирен центар“, „Танго аргентино“ , „Вирџина“, „Беса“, „Буре барут“, „Тито и јас“… серијата „Бос в трње“ (Грлом у јагоде).

На многу филмови за кои работеше музика, им беа доделени награди на светски и домашни фестивали, а самиот Симке е добитник на наградите „Дарко Краćиќ“, Наградата на градот Белград, како и на Наградата за животно дело.