Кон: Не се оптеретувајте со антитела

Бројот на нови случаи опаѓа во Белград и во цела Србија, а покриеноста со имунизацијата расте од ден на ден – тоа е добра вест, вели за РТС епидемиологот д-р Предраг Кон пред седницата на Кризниот штаб.

Зборувајќи за третата доза, Кон ги замоли граѓаните да не зборуваат за третата доза и да не одат на пунктовите.

„Не мислам ништо лошо, но едноставно, да не губиме време со третата доза, затоа што уште не ја дадовме првата или втората. Она што го реков дека оние што немаат антитела, ќе ја примат вакцината во иднина, тоа не значи дека е сега. Мора да биде медицина базирана на докази, само кога ќе се направат сите истражувања, кога ќе се утврди кога, колку време мора да помине“, нагласи Кон.

Тој додаде дека мерењето на антителата е само еден од индикаторите за имунитет, но не и показател за целосен имунитет и дека граѓаните се заштитени со вакцини од сите производители, и истакна дека луѓето не мора да се грижат за проверка на нивото на антитела.