Косовските власти дозволија посета на српскиот патријарх Порфириј

7

 

Премиерот Аљбин Курти му даде дозвола на српскиот патријарх Порфириј денеска да го посети Косово, соопшти Владата на Косово.

Во соопштението од кабинетот на премиерот, се вели дека министерот за враќање и заедници Ненад Рашиќ побарал дозвола за посета на српскиот патријарх, што Курти ја прифатил.

Порфириј ќе дојде на Косово како дел од подготовките за прославата на православниот Божиќ.

Според соопштението, српскиот патријарх рекол дека сакал да влезе во Косово без телохранител и оти посетата не ја барал според одредбите на постоечките договори меѓу Косово и Србија.

На 26 декември на патријархот Порфириј му беше забранет влез во Косово.