Лавров: Цените на храната не се зголемија поради војната, Западот правеше залихи за време на пандемијата

0

Рускиот министер за надворешни работи Сергеј Лавров денеска негираше дека неговата земја е одговорна за растот на светските цени поради руската инвазија на Украина.

Тој ја отфрли т.н. „криза со храна“ на крајот од турнејата низ Африка, која особено е погодена.

Тој им рече на новинарите во Адис Абеба, главниот град на Етиопија, дека САД и европските земји се одговорни за растот на цените поради нивната „несовесна“ зелена политика и дека дури и складирале храна за време на пандемијата на коронавирусот.

„Ситуацијата во Украина имаше дополнително негативно влијание врз пазарите на храна, но не поради руската специјална операција, туку поради апсолутно неадекватната реакција на Западот, кој воведе санкции“, рече Лавров.

Западните земји постојано истакнуваат дека храната е изземена од санкции против Русија и ја обвинуваат Москва за глобалната криза.