Поранешниот капитен на „црвените“, Џејми Карагер, кој сега работи како ТВ аналитичар, со советува својот поранешен клуб во зимскиот преоден рок да не штеди пари и да ја засили дефанзивната линија за да го надомести отсуството на Вирџил ван Дајк.
Ван Дајк доживеа тешка повреда на вкрстените лигаменти на коленото во саботниот натпревар против Евертон и според првичните проценки, по операцијата Холанѓанецот ќе отсуствува седум-осум месеци, што значи дека ќе ја пропушти целата сезона.
Поради тоа, Ливерпул мора под итно да размисли за купување на нов централен дефанзивец, смета Карагер.
– Следното големо засилување на Ливерпул треба да биде централен дефанзивец. Претходно зборував дека таков играч мора да дојде идното лето, а сега велам дека мора да дојде во јануари. Дејан Ливрен си замина и не беше донесена негова замена поради што Ливерпул остана само со тројца централни дефанзивци. Сега тешка повреда доживеа Ван Дајк и остана само двајца од кои Жоел Матип постојано е повреден. Нема никакви сомнежи, прва мета на Ливерпул во зимскиот преоден рок мора да биде врвен играч на оваа дефицитарна позиција – вели Карагер.
Англиските медиуми за време на летниот преоден рок шпекулираа дека Ливерпул по заминувањето на Ловрен, ќе го купи младиот 21-годишен Дајот Упамекано но тоа не се случи. За младиот Французин се заинтересирани и најголемите европски екипи како Реал Мадрид, ПСЖ, Интер, Баерн Минхен, а Карагер му порачува на својот поранешен тим да не чека и да понуди колку што е потребно за да го купи Упамекано.
– Постои млад фудбалер во Лајпциг за кого сите зборуваат, Дајот Упамекано. Милсам дека е висок 186 сантиметри и не доминантен во скокот како Ван Дајк, но тој е играчот кој Ливерпул мора да го донесе и не смее да се откаже од трката. Нека подготват колку што се потребни пари и нека го донесат на 1. јануари. Да не го чекаат последниот ден од преодниот рок – порачува Карагер.