Мадуро: Америка управува со државниот удар во Боливија.

Венецуелскиот претседател Николас Мадуро ги обвини САД дека управуваа со државниот удар во Боливија.

-Го осудуваме пучот против Ево Моралес, што го коориднираше и финансираше Белата куќа, изјави Мадуро за државната телевизија, пренесува Тасс.

Тој додаде и дека САД стојат зад сите државни удари во регионот во последниот век .

-Дали сте подготвени да се борите? Ние сме подготвени да се бориме за мирот, татковината и суверенитетот, рече Мадуро.

Боливискиот претседател пред два дена поднесе оставка од функцијата под притисок на протестите кои во земјата се организираа од крајот на октомври. Моралес денеска замина за Мексико, каде доби азил.