Францускиот претседател Емануел Макрон убиените полицајци, кои денеска беа нападнати во централна Франција, ги нарече херои.
Тие биле нападнати кога интервенирале за да спасат жртва на семејно насилство.
„ Тие се нашите херои“ изјави Макрон на Твитер и изрази солидарност со француската полиција.
Тројца полицајци се убиени, а еден е ранет во пукање до кое дошло кога стигнале во една куќа во оддалечено село, реагирајќи на повик поради семејно насилство врз жена.
Мажот кој се сомничи за нивното убиство е пронајден мртов, соопшти министерот за внатрешни работи, Жералд Дарманин.