МАЈКРОСОФТ ГО НАДМИНА ЕПЛ: Највредната компанија во светот чии акции се тргуваат на берзата

Мајкрософт стана највредната компанија во светот чии акции се тргуваат на берзата, бидејќи извештајот за бизнисот на американскиот производител на iPhone не ги исполни очекувањата.

Во тргувањето на Волстрит до 10:30 часот по источно време, Мајкрософт имаше пазарна капитализација од 2,45 трилиони долари, додека Епл имаше пазарна капитализација од околу 2,41 трилиони долари, пренесува CNBC.

Apple објави дека од јули до септември, што е четврти квартал во фискалната година на компанијата, остварил приходи во износ од 83,4 милијарди долари поради проблеми во синџирот на снабдување. Се предвидуваше дека на Волстрит ќе изнесува 84,3 милијарди.

Извршниот директор на Apple, Тим Кук, изјави дека дефицитот на приходите се проценува на шест милијарди долари и дека очекува проблемите во синџирот на снабдување да се влошат во кварталот октомври-декември, пишува порталот Business and Finance.

Иако продажбата на iPhone на Apple се зголеми за 47 проценти во однос на претходната година, таа исто така не успеа во споредба со очекувањата на аналитичарите.

Од друга страна, Мајкрософт деновиве објави дека остварил 22 отсто поголеми приходи во текот на првиот фискален квартал во споредба со истиот период минатата година, што беше најбрзиот раст од 2018 година.

Акциите на Мајкрософт скокнаа за речиси 47 отсто во денешното утринско тргување, додека на Епл поскапеа околу 11 отсто.