Медведев: Руската фрегата е новогодишен подарок за НАТО

7

 

Руската фрегата „Адмирал Горшков“, која во средата тргна на борбена должност, треба да вразуми секој кој ќе се осмели да претставува директна закана за Русија, предупреди денеска заменик-претседателот на Советот за безбедност на Русија Дмитриј Медведев на својот канал на „Телеграм“.

Медведев рече дека хиперсоничната фрегата Циркон, која вчера го започна своето патување преку Атлантскиот и Индискиот Океан и Средоземното Море, е „главниот новогодишен подарок“.

„Радувај се. Ова ќе вразуми секој кој претставува директна закана за Русија или за нашите сојузници“, и порача Медведев на Алијансата.

Циркон е првата хиперсонична крстосувачка ракета во светот способна да ги победи системите за противвоздушна одбрана и противракетна одбрана, достигнувајќи брзина од над девет маха со дострел од над 1.000 километри.

Во апелот на американската амбасада во Москва на Телеграм се наведува дека Русија и САД се натпреварувале и соработувале во надминувањето на најголемите предизвици со кои се соочува светот и дека ова што се случува сега „не е достојно“ за Русите. Апелот беше проследен со видео компилација, на која, меѓу другото, се прикажани снимки од конфликтот во Украина и протестите во руските градови.

„Вашата литература се учи во нашите училишта. Вашите дела се изведуваат во нашите најпрестижни културни институции. Низ историјата, нашите земји ги обединуваше заедничката култура и нашите достигнувања. Сметаме дека ова што се случува не е достојно за вас и се солидаризираме со секој од вас кој се труди да создаде помирна иднина“, заклучуваат од прес-службата на дипломатската мисија на САД.