Меркел од Загреб: Интензивно разговараме со Франција за процесот на проширување

Германската канцеларка изјави во Загреб дека ќе одржи разговори со Франција за создавање услови за започнување преговори со Албанија и Северна Македонија.

Германската канцеларка Ангела Меркел бара консензус со Франција за реформите во проширувањето на ЕУ што е можно поскоро. Таа го изјави ова во средата во Загреб, по состанокот со нејзиниот хрватски колега, Андреј Пленковиќ.

„Ние ги поддржуваме плановите на хрватската влада да организира заедничка конференција со Западен Балкан во целосен формат на Европската унија. И ќе биде важно за нас да се создадат услови за почеток на преговори со Албанија и Северна Македонија. ”

За новиот предлог на француската влада за реформа на процесот на проширување, канцеларката рече:

“Сега мора да разговараме со Франција и треба да го сториме тоа многу интензивно, да ги идентификуваме елементите што треба да се подобрат, да се менуваат, во процесот на проширување. Ние сме подготвени да разговараме, иако денес имаме многу можности за флексибилност “,

Меркел понатаму рече дека реформите во проширувањето „треба да им овозможат на земјите од Западен Балкан вистинска перспектива за членство“. Таа предупреди дека реформата не треба да резултира во повлекување на ЕУ од своите ветувања.

Хрватска ќе го превземе ротирачкото претседателство на ЕУ во првата половина на следната година, а Германија во втората половина. Минатиот месец Франција, Холандија и Данска го блокираа започнувањето на преговорите за пристап со Северна Македонија и Албанија, сметајќи дека Унијата најпрво треба да ја реформира својата методологија за проширување.

Меркел истакна дека обединувањето на Европа мора да продолжи со другите земји од Западен Балкан.

„Ние сакаме да им кажеме на земјите од Западен Балкан, имате иднина, имате можност за членство во ЕУ, тиа треба да се слушне од Загреб“, додаде Меркел.

Хрватскиот премиер Андреј Пленковиќ посочи дека новите правила за проширување на ЕУ предложени од Франција се непотребни, бидејќи „филтрите“ за земјите кандидати веќе се содржани во постојниот механизам.