Мусовски: Секогаш е убаво кога ќе постигнете гол во дерби натпревар (ВИДЕО)
Новиот репрезентативец на Македонија, Даниел Мусовски беше човекот на одлука за Лос Анџелес во победата над ЛА Галаски од 2:0 во големото дерби во МЛС лигата.
Напаѓачот кој е со потекло од Македонија а роден во САД неодамна прифати да игра за нашата репрезентацијата а со голот во синоќешното дерби на ЛА дополнително го привлече вниманието.
“Whenever you can score in a derby game, that’s big time."@dmusovski after coming up big in our win over the Galaxy. #LAFC pic.twitter.com/3JJ62eSloQ
— LAFC (@LAFC) October 26, 2020
„Секогаш е убаво кога ќе постигнете гол во дерби натпревар. Знаевме дека навивачите многу сакаа да го добиеме овој натпревар, да се даде гол и да се победи во ова дерби е прекрасно чувство.“ – изјави Мусовски.
Младиот 24 годишен напаѓач беше прогласен за играч на натпреварот.