Најдобрите српски тенисери во полуфиналето на АТП купот (ВИДЕО)
Вториот светски рекет Новак Ѓоковиќ кој го донесе вториот поен против Канаѓаните истакна дека неговата селекција како да игра на „домашен терен“.
Тениската репрезентација на Србија се пласираше во полуфиналето на премиерниот АТП куп, во Сиднеј со резултат 3:0 успеа да ја совлада селекцијата на Канада.
Најдобрите српски тенисери имаа голема поддршка од трибините, првиот поен го донесе Душан Лајовиќ кој со 6:4 и 6:2 триумфираше над Феликс Оже-Алијасим.
The band leader for 🇷🇸 #TeamSerbia, @DjokerNole 🎤#ATPCup | #Final8 | #SRBCAN pic.twitter.com/xUoxdQuwUv
— ATPCup (@ATPCup) January 10, 2020
За вториот поен се погрижи вториот светски рекет Новак Ѓоковиќ со пресврт славеше во дуелот против Денис Шаповалов (4:6, 6:1, 7:6).
Србите беа подобри и во дубл, Виктор Троицки и Никола Чачиќ со 6:3 и 6:2 победија против Питер Полански и Адил Шамасдин.
https://www.youtube.com/watch?v=uLScK48wrwc&feature=emb_title
Во полуфиналето Србија ќе игра против Русија, а во втората полуфинална пресметка Австралија ќе игра со Белгија или Шпанија.
– Како да играме на домашен терен. Во Бризбејн имавме голема поддршка, но ова е повисоко ниво. Сите дојдоа, голема благодарност до навивачите, ова беше еден неверојатен меч. Ги поздравуваме сите во Србија и одиме до финале – рече Ѓоковиќ по мечот.