На протест во Сараево обид за физички напад на кантоналниот премиер Форто, реагирала полицијата

 

На денешниот протест на работниците во јавниот сектор на кантонот Сараево, еден од учесниците на протестот се обидел физички да го нападне кантоналниот премиер Един Форто.

Тој излегол пред насобраните работници со намера да им се обрати, а потоа едно лице се обидело физички да го нападне. Нападот бил спречен со полициска интервенција, по што Форто ги напуштил протестите.

Пред зградата на Владата на кантонот Сараево се одржуваат протести на членовите на осум синдикати на јавната администрација во Сараево со барање за зголемување на платите од кантоналната влада.

Дополнително, бараат до крајот на годината на работниците од јавната администрација во Кантонот Сараево да им биде исплатена еднократна парична помош

Форто денеска повтори дека не може да вети исплата на еднократна парична помош, бидејќи нема пари за тоа, но ги повика синдикатите да преговараат за висината на платите за 2023 година.