Нетфликс ги послуша жалбите – повеќе нема да има автоматски трејлери на содржините

Нетфликс се справи со „хејтањето“ така што најави дека ќе ја тргне “озлогласената“ функција преку која aвтоматски се вклучува трејлер на дадените содржини, пропратен со многу гласен звук. Ова најчесно се случува кога со глувчето ќе се задржите врз одредена серија или филм. Нетфликс не само што ја призна грешката, туку понуди и решение со оневозможување на функцијата.

„За некои луѓе автоматското започнување на трејлерот додека пребаруваат е од голема помош, но за некои не е“, одговорил Нетфликс на жалбата од корисниците.

„Ние ги слушнавме поплаките јасно и гласно, па нашите корисници отсега ќе ја имаат можноста да да ја исклучат функцијата за автоматски трејлери“, дополниле од компанијата во соопштението.

За да исклучите автоматизираната функција, најпрво треба да се вклучите на вашиот профил преку еден од пребарувачите. Потоа, треба да кликнете на „Управување со профили/(Manage profiles), да го изберете го вашиот профил и да ја деселектирате опцијата за „Автоматски трејлери додека пребарувате на сите уреди/Autoplay previews while browsing on all devices“.

За жал, од Нетфликс известуваат дека преку оваа опција нема за брзо да се “откачите“ од автоматските трејлери.

„Постои можност за застој пред новите опции да имаат полн ефект. Може да го забрзате апдејтирањето преку префрлување на друг профил, па вклучување од вашиот, со цел да го обновите вашиот профил со веќе ажурираната функција“, објаснуваат од компанијата.