Нови санкции на ЕУ за Иран

3

Европска Унија ќе воведе дополнителни санкции кон Иран поради сериозни прекршувања на човековите права, изјавија за германската новинска агенција ДПА неименувани дипломатски извори.

Одлуката едногласно е донесена денеска по веста дека втор демонстрант бил погубен во Иран.

Активистите за човекови права проценуваат дека најмалку 470 демонстранти се убиени, а повеќе од 18.000 уапсени за време на протестите што траат од средината на септември.

Со новите санкции се опфатени 20 лица и една организација, на кои ќе им биде замрзнат потенцијалниот имот во ЕУ и ќе им биде забрането да патуваат во Унијата.

Санкциите ќе стапатвоа сила откако ќе бидат објавени во Службен весник на ЕУ.