Нов пораз на Лејкерс, Нуркиќ подобар од Јокиќ (ВИДЕО)

Лејкерс се опушти откако го завери првото место на Западот, па веќе врза два убедливи порази по ред, овој пат загуби од Хјустон со 113:97, Нуркиќ ја доби балканската битка против Јокиќ, Портланд со 125:115 го совлада Денвер.

Леброн Џејмс не настапи на синоќешниот меч против Хјустон, Лејкерс се опушти по завереното прво место на Западот и сега веројатно со мислите е кон почетокот на плејофот.

На синоќешниот меч Хјустон беше подобар во целиот тек и на крајот славеше убедливо со 113:97.

Џејмс Харден со 39 поени, 12 асистенции и осум скока беше најдобриот поединец на теренот, Кузма во составот на Лејкерс реализираше 21 поен, Ентони Дејвис 17 поени, а имаше и 12 скокови.

Портланд оствари многу важна победа во трката за осмата позиција на Западот, тие го совладаа Денвер со 125:115.

Лилард имаше фантастична партија, постигна 45 поени, имаше и 12 асистенции, кај Денвер најдобар беше Портер со 27 поени и 12 скокови.

Јусуф Нуркиќ даде одличен допринос во победата постигнувајќи 22 поени, Никола Јокиќ реализираше скромни за него осум поени, имаше и 13 асистенции.

Резултати:

Сакраменто – Њу Орлеанс 140:125
Милвоки – Мајами 130:116
Феникс – Индијана 114:99
Далас – ЛА Клиперс 111:126
Денвер – Портланд 115:125
Хјустон – ЛА Лејкерс 113:97