Оберхубер – Потребен е сеопфатен систем за справување со загадувањето

„Од една страна треба да инвестираме во енергетската ефикасност, но исто така треба да погледнеме и во тоа што го користиме да добиеме енергија. Една од темите во која треба да погледнеме е енергетската сиромаштија, посебно на ранливите и маргинализираните групи во општеството кои едноставно не се во положба да одлучат кој начин на загревање ќе го употребуваат“, вели директорот на Германското друштво за интернационална соработка (ГИЗ), Давид Оберхубер, во неделното интервју на „РСЕ“.

Тука, според него, Владата треба да развие стратегии за да се направат промени во оваа насока.

– За тоа наскоро ќе донесеме експерт за енергетика и за квалитет на воздухот, да го советува Град Скопје да развие сеопфатен систем како да се справи со оваа тема, посочува Оберхубер.