Од синоќа бројот на заразени со ковид-19 во земјава се искачи на 42

Уште седум новозаразени со коронавирус се потврдени во земјава, напиша доцна синоќа министерот за здравство Венко Филипче на официјалниот Фејсбук профил. Со новопотврдените случаи, вкупната бројката на заразени со КОВИД-19 во земјата е 42 луѓе.

Како што сподели Филипче, од 38 тестирани во текот на вчерашниот ден, позитивни на коронавирус се 3 лица од Дебар и 4 од Скопје.

Со тоа вкупниот број заболени во земјава достигна 42. Филипче информираше дека вчера се направени уште 22 теста, чии резултати се најавени за денеска.