ОЈО: Сто илјади денари казна за хотел кој работел и покрај забраната
Основното јавно обвинителство Скопје до Основниот кривичен суд Скопје денеска поднесе предлог за парични казни против управител на хотел и против правното лице бидејќи хотелот работел и покрај забрана за работа како дел од мерките за спречување на ширење на коронавирусот.
Тие се товарат за кривично дело „непостапување според здравствените прописи“, за што предложени се казни од 2 000 евра за управителот и 100 000 денари за правното лице.
„Обвинетото физичко лице во својство на управител на правниот субјект – хотел, не постапил согласно законските прописи за спречување на ширењето на заразната болест ковид-19 и овозможил хотелско сместување на лице од Дебар, спротивно на одлуките и наредбите со кои сите угостителски објекти се затворени за гости“,се вели во соопштението од ОЈО.
Прекршокот бил констатиран при вонреден инспекциски надзор од Државниот пазарен инспекторат.