Пациенти со ковид-19 од Македонија, Србија и од Албанија ќе се лекуваат во болници во трите земји

Трите земји потпишаа Меморандум за соработка со кој ќе разменуваат искуства и ќе се соработува во борбата против коронавирусот, како и ќе се овозможи државјани на трети земји да бидат примани во локални болници.

Премиерот Зоран Заев заедно со претседателот на Србија, Александар Вучиќ и премиерите на Албанија и Србија, Еди Рама и Ана Брнабиќ, во присуство на министрите за здравство, одржаа координативен состанок, по што потпишаа Меморандум за соработка за регулирање на односите меѓу државите во услови на кризата со ковид-19.

Со овој документ трите земји ќе разменуваат искуства и ќе соработуваат во борбата против коронавирусот, како и ќе се овозможи државјани на трети земји да бидат примани во локални болници. Се истакнува и дека е важно исто така да продолжи и економската размена и трговија и соработка меѓу трите држави.
Албанија и Србија исто така го потпишаа и билатералниот договор за слободно движење на нивните граѓани само со лични карти.