Песков: Знаеме дека Западот испраќа разузнавачки информации во Украина

Руската армија знае дека САД, НАТО и Велика Британија ѝ обезбедуваат на Украина не само оружје, туку и разузнавачки информации и прави сè што е потребно во таа ситуација, изјави денеска портпаролот на Кремљ, Дмитриј Песков.

„Нашата армија е свесна дека САД, Велика Британија и НАТО во целина постојано пренесуваат разузнавачки и други параметри до украинските вооружени сили. Заедно со испраќањето оружје, тоа се акции кои не придонесуваат за брзо завршување на општествената воена операција, но во исто време не можат да го попречат остварувањето на нејзините цели“, изјави Песков пред новинарите, пренесува РИА Новости.

Претходно денеска „Њујорк тајмс“, цитирајќи високи американски претставници, објави дека САД обезбедиле разузнавачки информации кои им помогнале на украинските сили да ги убијат повеќето руски генерали убиени во војната во Украина.