Поднесена тужба против Болдвин: Нема пукање со пиштол во сценариото

Супервизорот на сценариото на вестернот Rust, Мејми Мичел, која повика полиција по пукањето на филмскиот сет во Ново Мексико, поднесе тужба против Алек Болдвин.

Во тужбата се тврди дека филмското сценарио не барало од него да пука со пиштол кога фатално ја застрелал снимателката Халина Хачинс.

Нејзиниот адвокат го обвини актерот дека „играл руски рулет“ кога пукал од пиштолот без да го провери.

Болдвин и продуцентите на филмот, кои исто така се именувани во тужбата, сè уште не коментираа.