Седница на Советот за безбедност за коронавирусот, поканет и министерот Филипче

Во претседателската „Вила Водно“ денеска ќе се одржи седница на Советот за безбедност за актуелната состојба со пандемијата на ковид-19 и мерките и активностите на надлежните институции.

Од Кабинетот на претседателот, соопштија дека покрај редовните членови на Советот, на покана на претседателот Стево Пендаровски ќе присуствува министерот за здравство Венко Филипче.
На деветтата седница на Советот за безбедност ќе се разговара за актуелната ситуација со пандемијата на ковид-19 на територијата на Република Северна Македонија и мерките и активностите на надлежните институции.