„Се гушиме од димот“: Повеќе од 100 нови пожари ја зафатија Грција

Се очекува жешкиот бран да продолжи во Грција и Турција до крајот на неделата

Грција ги евакуираше луѓето со чамци од плажата на островот Евија поради обилниот чад поради шумските пожари, а тројца пожарникари беа повредени, додека пожарникарите на други места се бореа да ги задржат пламените јазици подалеку од античка Олимпија.

ЕУ испрати помош за Грција и другите земји од Југоисточна Европа кои се борат со големи пожари.

Помошта дојде еден ден откако во пожар изгореа повеќе од 100 куќи и деловни објекти во близина на грчката престолнина Атина.

На Евија, од плажата можеше да се види и голем шумски пожар. Пожарникарите рекоа дека е тешко да се контролира пожарот. Тројца монаси од манастирот Свети Давид одбија да го напуштат местото, иако сите од околината беа евакуирани.

– Се гушиме од чадот, рече еден од монасите за агенцијата АНА.

Полицијата за АФП изјави дека ќе мора да ги принуди монасите да се евакуираат доколку нивниот живот е во опасност. Околу 85 луѓе беа однесени на плажа и евакуирани со пет чамци, а околу 150 куќи беа уништени на островот.

Околу 100 пожарникари, со седум хеликоптери и противпожарни авиони, се бореа со пожарот, соопштија претставници на цивилната заштита.

Шефот на Цивилната заштита, Никос Хардалијас, рече дека во последните 24 часа избувнале 118 пожари и предупреди дека може да дојдат уште полоши денови за пожарникарите кои работат под голем притисок.

– Вложуваме титански напори на многу полиња. Според нашите прогнози, утре исто така се очекува да биде тежок ден. Најтешкиот дел е пред нас, следните денови и недели ќе бидат уште потешки. Нашата клучна цел е да ги заштитиме човечките животи – им рече тој на новинарите, пишува „Катимерини“.

Исто така, населението беше евакуирано во јужниот грчки регион Пелопонез поради големиот пожар во близина на античка Олимпија – каде што Олимписките игри се одржуваат на секои четири години од 776 година, повеќе од еден милениум.

Областа беше опустошена од пожари во 2007 година кога загинаа десетици луѓе, но древните остатоци се зачувани.

Градоначалникот на блискиот град Пиргос, Панајотис Антонакопулос, рече дека околу оваа древна локација е поставен силен противпожарен кордон.

– Мислам дека безбедноста на локацијата е на задоволително ниво – рече тој.

Крајбрежната стража евакуираше околу 90 луѓе на плажа во близина на северното село Рувијес на островот Евија. Приватни бродови помогнаа во операцијата. Медиумите наведуваат дека тројца пожарникари се здобиле со изгореници, дека изгореле неколку куќи, како и големи површини под шумата.

Температурата во Грција вчера достигна 45 степени Целзиусови, што властите го опишаа како најлош топлотен бран од 1987 година.

Соседните земји се соочуваат со слични услови, вклучувајќи ги Турција и Италија, но и преку Медитеранот, пишува „Катимерини“.

Официјални лица во Албанија велат дека едно лице починало од вдишување чад во близина на јужниот град Џирокастро, каде што пожарите натераа стотици жители да избегаат.

Групата за одговор при катастрофи на ЕУ соопшти дека Брисел испратил канадски пожарникари и авиони да им помогнат на Италија, Грција, Албанија и северна Македонија.

– Со голема загриженост ја следиме ситуацијата. Европската солидарност работи во борбата против овие страшни пожари – напиша претседателката на Европската комисија, Урсула фон дер Лајен на Твитер.

Се очекува жешкиот бран да продолжи во Грција и Турција до крајот на неделата.