Се отвори нов пункт за ковид-тестирање

16

Утрово, во близина на Министерството за здравство и Институтот за јавно здравје, отворено е уште едно приемно одделение за правење ковид – тестови.

Со новиот пукнт ќе се забрза процедурата на земање брисеви и ќе се намали метежот како и редовите на чекање.

Како што најавија вчера министерот за здравство, Венко Филипче и претседателот на Комисијата за заразни болести, Жарко Караџовски, се планира и отворање пункт за корона-тестирање во Ѓорче Петров, а до крајот на неделава ќе се знае и дали ќе може да се прават ковид тестови во приватните лаборатории, на сметка на Фондот за здравствено осигурување.

Последниот, вчерашен корона-биланс е 247 нови случаи, 321 оздравени пациент и 15 починати.