Скопјанецот Козлов почна да се грчи и падна на теренот, па оствари сензационална победа над Димитров (ВИДЕО)
Турнирот во Акапулко е еден од најголемите настани оваа седмица во светот на тенисот, а токму во Мексико уште во првото коло видовме големо изненадување кое го приреди 24-годишниот Стефан Козлов.
Козлов кој е роден во Македонија или поточно во Скопје славеше над Григор Димитров со 2-1 во сетови по три часовна битка. Стефан го доби првиот сет во тај-брејкот со 10-8, па воден од тоа поведе со 5-3 во вториот, но само неколку секунди подоцна почна да се грчи поради големи проблеми со мускулот.
Absolutely crazy scenes in Acapulco, and @GrigorDimitrov never forgets how to be a great sport.
AMAZING – and we hope Stefan Kozlov is okay. 👏#AMT2022 pic.twitter.com/ZFtoF2lllA
— Tennis TV (@TennisTV) February 22, 2022
Тој падна, легна на теренот, Димитров и медицинските лица дојдоа да му помогнат и продолжи да игра, меѓутоа ги загуби четирите наредни гејмови и Бугаринот со 7-5 израмни на 1-1 во сетови.
Меѓутоа Американецот не се предаде и во завршната битка со 6-3 дојде до триумф по кој му испрати порака на Рафаел Надал.
-Рафа, извини што морав да го прекинам тренингот денеска, -порача Стефан кој во главната ждрепка влезе како лаку лузер и во второто коло може да игра токму со Шпанецот.