Во земјава во моментов се активни 20 866 случаи со ковид-19. Од нив, речиси 10 000 се во Скопје.
Во последните 24 часа во главниот град се регистрирани 321 нов случај, а 290 оздравени, со што моменталната бројка на активни е 9 883.
Пет општини се со над 1 000 заразени. Водат Гази Баба со 1 472 и Аеродром со 1 424, а по нив се Кисела Вода со 1 204, Карпош со 1 192 и Центар со 1 188 активни случаи во моментов.
Во останатите општини во скопскиот регион состојбата е следна:
Ѓорче Петров – 827
Чаир – 623
Бутел – 551
Илинден – 245
Шуто Оризари – 183
Сарај – 152
Петровец – 125
Чучер Сандево – 104
Зелениково-73
Сопиште – 63
Студеничани – 52
Арачиново-34
Во Скопје има и 173 странци позитивни на вирусот, а 197 случаи сè уште не се распоредени по општини со оглед дека не се завршени епидемиолошките анкети.