Сосема неочекувано: Четири нови потписи во Барселона, но го нема оној најважниот

Барселона објави дека синоќа биле потпишани нови договори со четворица фудбалери.

Нови договори со Каталонците потпишаа Жерар Пике, Марк Андре Тер Штеген, Клемон Ленгле и Френки де Јонг. Ретко се случува големите клубови како Барса за една вечер да објават вака четири големи потписи одеднаш, но Каталонците очигледно се решени по победата над Ференцварош од 5:1 дополнително да ги израдуваат навивачите. Барем делумно.

Сега само Лионел Меси и Рики Пуџ се единствените играчи чии договори истекуваат следното лето.

Пике потпиша договор до 2024 година, Тер Штеген до 2025, а Ленгле и Де Јонг до 2026. Сето тоа е официјално.

Иако во претходниот период имаше доста полемики меѓу некои играчи од оваа листа и управата на Барселона, на крајот дојде до договор.

Самиот клуб истакна дека на сето ова претходело бројно договарање и преговарање, дека тоа траело со неели, особено кога станува збор за платите, а ако се чита меѓу редови, значи дека играчите прифатиле намалување на нивните примања. Се споменуваше и намалување до 30 проценти.

Жерар Пике го продолжи договорот до 2024 година и откупната клаузула му е 500.000.000 евра. Ова му е 13. сезона во првиот тим на Барса и до сега има одиграно дури 548 меча. Тер Штеген потпиша до 2025 и откупната клаузула му е 500.000.000 евра.

Ленгле потпиша до 2026 и откупната клаузула му е 300.000.000. Досега има одиграно 89 меча за Барса.

Френки де Јонг потпиша до 2026 година и откупната клаузула му е 400.000.000 евра.

Барселона за долги патеки ги сочува играчите за кои мисли дека можат да бидат темел на тимот во следните години, а тие очигледно, прифатиле малку да ја корегираат заработувачката и да прифатат дел од товарот кој го носи целата оваа ситуација со коронавирусот.

Четири потписи, но го нема оној најважниот.

Можеби на крајот најголемо изненадување е продолжувањето на договорот на Де Јонг кој веќе имаше договор до 2024, но… Не сакаше Барса ништо да остава на случајот. Сега и тој е „запечатен“ со голема откупна клаузула.