Пратениците на српскиот парламент на денеска ќе ја изберат нова српска влада. Претседателот на парламентот Ивица Дачиќ свика седница со една точка на дневниот ред – избор на Влада и заклетва на претседателот и членовите на Владата. Како што претходно беше утврдено со Законот за министри новата влада ќе има 21 министерство и еден или двајца министри без ресор.
Мандаторот за состав на новата влада, Ана Брнабиќ, најпрво ќе го претстави планот за работа на идните министри, по што ќе следи парламентарната расправа и гласањето за новиот состав на српската влада. Брнабиќ претходно најави дека во новата влада министер за надворешни работи ќе биде Никола Селаковиќ, министер за внатрешни работи Александар Вулин и министер за одбрана Небојша Стефановиќ.