Стампедо на погребот на генералот Сулејмани, 35 лица загинати

Иранската државна телевизија објави дека на погребот на генералот Касем Сулејмани, кој е убиен во напад од дрон по наредба на американскиот претседател Доналд Трамп, дошло до големо стампедо.

Како што јавува АП, повикувајќи се на иранската национална телевизија, во стампедото загинале 35 лица, а 48 се повредени.

Вчера во Техеран е одржана првата комеморација за генералот, а денеска се одржува втора комеморација во неговото родно место Керман.