Стелт омикрон е потврден во Србија, првите заразени се од Нови Пазар

Денеска во Србија е потврден првиот случај на сојот на коронавирус од типот стелт омикрон.

 

Присуството на стелт кај два примерока од пациенти од Нови Пазар е потврдено со техниката на секвенционирање на Медицинскиот факултет, објави српски Телеграф.

Вирологот Тања Јовановиќ за РТС изјавила дека е забележано дека оваа подваријанта, која првпат е откриена на Филипините на крајот на јануари, се шири уште побрзо од претходната, а полека станува доминантна во некои земји, како Данска, Индија, Велика Британија и Германија.

Присуството на оваа подваријанта, како што наведува, е докажано во повеќе од 50 земји.

Што се однесува до симптомите, таа наведува дека се уште не се знае дали има разлики во однос на првата подваријанта на омикрон, БА.1, дали дава потешка или полесна клиничка слика, дали полесно го избегнува имунитетот од вакцините или природниот имунитет. .

Сепак, како што напомена таа, се претпоставува дека е сличен на претходната подваријанта.

Да потсетиме, Нови Пазар бил едно од најголемите жаришта на корона вирусот за време на павидемијата на Ковид 19. Короната во неколку наврати го десеткувала овој град, а за 24 часа избројале повеќе од 10 мртви.

Истражувачите забележуваат дека верзијата BA.2 на сојот омикрон може да има 28 уникатни мутации во споредба со BA.1, дури и кога двата омикронски соеви споделуваат 32 мутации. Тие исто така мислат дека е премногу рано да се каже што значат мутациите BA.2.

– Ваквите разлики може да доведат до различни својства, на пример, во однос на заразноста, ефикасноста на вакцината или тежината на болеста. Засега нема информации дали БА.1 и БА.2 имаат различни својства – соопштија од Статенс серум институтот.

Кога научниците првпат го откриле подтипот на омикрон BA.2 во Јужна Африка кон крајот на ноември, верувале дека ќе биде потешко да се следи од оригиналната омикрон варијанта BA.1, која има мутација – бришење на протеинот S – што се појавува на PCR тестовите. што го олеснува утврдувањето дали некој е заразен со сојот омикрон. Меѓутоа, BA.2 ја нема истата мутација, поради што сојот го добил прекарот „стелт омикрон“.

Но, сега експертите ја повлекуваат идејата дека поделбата е тајна како што изгледало на прв поглед. Велат дека подтипот BA.2 се појавува на PCR тестовите, но не мора на ист начин како омикрон BA.1.