Турција ја поддржа кандидатурата на Финска и Шведска за НАТО

7

Турското претседателство „го доби она што го сака“ од преговорите во Мадрид, објави Франс прес.

Турција се согласи да ги поддржи апликациите за членство во НАТО на Финска и Шведска, рече финскиот претседател, пренесе Би-би-си.

Финскиот претседател Ниинисто рече дека до промената дошло откако трите земји потпишаа заеднички меморандум „за да се даде целосна поддршка против заканите за безбедноста“ на трите земји по состанокот на самитот на НАТО во Мадрид.

Подготвеноста на Турција да го поддржи членството на Шведска и Финска во НАТО е значаен потег од првичното противење изразено од претседателот Ердоган.

Уште во мај Анкара ги обвини дека двете земји ги штитат курдските терористи.

„Ниту една од овие земји нема јасен, отворен став кон терористичките организации. Како можеме да им веруваме?“, рече тогаш Ердоган.

Во изјавата на финскиот претседател се вели дека „како членка на НАТО, Финска целосно ќе се посвети на антитерористичките документи и политики на НАТО“.

Новинската агенција Франс прес објави дека турското претседателство „го добило она што го сака“ од преговорите во Мадрид.