Утринава не се забележани гужви на бензиските – нафта има, но со нова поскапа цена

Утринава не се забележани гужви на бензиските пумпи низ Скопје, јавува репортерот на ТВ21.

Во моментов на бензиските има нафтени деривати, но со повисока цена.

Според последната одлука на РКЕ, цената на бензините од полноќ се зголеми за 5,5 денари за литар, додека пак на дизелот цената е зголемена за 10 денари.

Ваквата одлука е донесена поради рекордниот раст на сите нафтени деривати на светските берзи, а од РКЕ најавуваат дека ќе носат одлуки на дневно ниво доколку има потреба.