Филипче: Корона кризата потврди дека здравствениот систем е еден од основните столбови на државата!

Министерот за здравство Венко Филипче, заедно со министерката за одбрана Радмила Шекеринска вчера остварија средба со граѓаните на Охрид, разговарајќи за идните здравствени приоритети на градот.

Како што истакна Филипче, продолжува јакнењето на нашиот здравствен систем и јакнење на сите капацитети.

„Продолжуваме да градиме силен и одржлив здравствен систем за сите, да ги јакнеме капацитетите на јавното здравство, да работиме на професионалниот дигнитет и мотивација на медицинските работници и да создаваме услови за нивна иднина и професионална кариера во нашата земја“, напиша тој на социјалните мрежи.