Фудбалер на Барселона позитивен на корона пред патот за Лисабон

19

Потенцијален проблем во таборот на каталонскиот фудбалски гигант Барселона пред завршниот турнир од Лигата на шампионите, кој ќе се игра во Лисабон Португалија.

Имено, еден фудбалер на Барселона е позитивен на корона, објави клубот од Ноу Камп.

Засега не е објавено името на заразениот фудбалер, но е истакнато дека тој нема никакви симптоми дека е со добро здравје и дека е во самоизолација во својот дом.

Завршницата од елитната Лига на шампионите во Португалија стартува вечерва од 21 часот со премиерното четвртфинале меѓу Аталанта и ПСЖ.

Шпанскиот гигант Барселона во петок во најинтересното четвртфинале ќе се сретне со германскиот шампион Баерн Минхен, утре за вториот полуфиналист ќе решаваат Лајпциг и Атлетико Мадрид. Последниот патник во големата четворка ќе биде познат по саботниот дуел Манчестер Сити – Лион.