Маж е запален во Хонг Конг, каде што полицијата претходно пукаше во демонстрант за време на ескалацијата на насилството на антивладините протести.
Мажот, кој бил запален, е примен во болница во критична состојба.
Објавена е видеоснимка на која се гледа како овој човек се расправа со група млади луѓе пред некој да го полее со запалива течност и да го запали, пренесе АП.
Како што пренесуват медиумите, неидентификуваниот и невооружен човек извикувал „Вие не сте Кинези“ пред да биде запален.
Видеото е вознемирувачко:
Претходно во медиумите се појави снимка од друг инцидент во која полицаец пука во 21-годишно момче при конфронтација со демонстранти кои рано утринава ги блокираа метро станиците и градските улици.
Момчето е примено во болница во критична состојба, иако полицијата соопшти дека по операцијата е вон животна опасност.
Се очекува насилството дополнително да ескалира откако во петокот почина студент од добиените повреди на протести, а полицијата во текот на викендот уапси шест опозициски пратеници.