Хисени по разговорите со Палмер: САД го поддржуваат дијалогот во Брисел

Косовскиот координатор за дијалог со Србија, Скендер Хисени, изјави дека Соединетите држави го поддржуваат бриселскиот дијалог меѓу Белград и Приштина. Тој по средбата со американскиот претставник за Западен Балкан, Метју Палмер, во Вашингтон изјави дека добил уверување оти Соединетите држави ќе бидат вклучени во процесот.

„Нагласувајќи дека заедно со ЕУ, улогата на Соединетите држави во овој процес е незаменлива, го замолив господинот Палмер за поддршка за трајно и активно присуство на Америка на преговарачката маса во Брисел“, напиша Хисени на Фејсбук.