Ѓоковиќ запеа на легендарниот фестивал „Сан Ремо“ (Видео)
Србинот ги воодушеви Италијанците со пеењето песна на Ерос Рамацоти.
Мултиталентираниот Новак Ѓоковиќ по освојувањето на Отвореното првенство на Австралија во тенис, на славниот италијански музички фестивал „Сан Ремо“ беше еден од специјалните гости и запеа на италијански јазик една песна од Ерос Рамацоти.
Новак изненади многумина со своите вокални способности, дури и сопругата Јелена беше зачудена и потпевнуваше со него, а Ѓоковиќ на бината заигра и тенис со водителите.
Новак ја пееше песната „Тера промеса“ (Ветената земја), со која Ерос освои награда на „Сан Ремо“ во 1984 година, пред да се роди Ѓоковиќ. Србинот тренира во Италија и добро го зборува италијанскиот јазик, па не му беше проблем да запее без да ги утне зборовите.