Џонсон за руската инвазија: Катастрофа за нашиот континент, повикувам на итен состанок на сите лидери на НАТО

9

Британскиот премиер Борис Џонсон најави дека ќе и се обрати на нацијата во британскиот парламент за руската инвазија врз Украина.

Премиерот на Обединетото Кралство, се огласи на Твитер по повод последните настани во украинските градови, кои утрово беа потресени од бројни експлозии.

„Ова е катастрофа за нашиот континент“, рече Џонсон и најави дека ќе и се обрати на нацијата во британскиот парламент за руската инвазија на Украина.

„Ќе разговарам и со моите колеги лидери на Г7 и ќе повикам што поскоро на итна средба на сите лидери на НАТО“, рече британскиот премиер.