Изјавите дека ДУИ ќе оди во опозиција Зоран Заев ги дава по испиени две-три чашки ракија, а после се кае, реча лидерот на интегративците – Али Ахмети, во интервју за „Сири ТВ“, прашан зошто во последно време „ДУИ е мета на постојани напади“ од страна на експремиерот Заев.
На ова лидерот на СДСМ Зоран Заев одговори дека Ахмети целосно промашил во тврдењето дека пиел ракија пред митинг, а потоа се каел за кажаното.
– Ако некој не пие алкохол, Зоран Заев е тоа. А, ја погоди работата човекот. Промашил комплетно. Значи Зоран Заев може со македонско вино, домaшна ракија да наздрави, ама под дејство на алкохол не сум бил никогаш пијан во животот – рече Заев во изјава за ТВ21.
