По бизнисменот Орце Камчев, неговата сопруга Ана и тројцата бизнисмени кои денес сведочеа во „Рекет“, во судница треба да се појават и обвинителите на СЈО. Сведочењето на обвинителите е на предлог на обвинителката за гонење на организиран криминал и корупција, Вилма Русковска.
По завршување на денешното рочиште за „Рекет“ судијката Васка Николовска Масевска даде неколку датуми за следни рочишта за случајот.
На рочиштето закажано за 3 јануари судијката Масевска рече дека ќе биде повика обвинителката Елизабета Јосифовска која работеше во тимот на Катица Јанева.
Јосифовска е обвинителката која имаше овластување да ги потпишува документите во име на тогашната шефица, Јанева.
Таа заедно со обвинителката Ленче Ристовска е задолжена за чување на кутиите со предмети кои физички останаа во СЈО по преземањето на предметите од страна на ОЈО за гонење на организиран криминал и корупција.
