Министрите за животна средина и просторно планирање и за локална самоуправа Каја Шукова и Ристо Пенов денеска ќе се обратат на настан на тема „Локален пристап кон активна заштита на животната средина и ублажување на климатските промени“, што ќе се одржи во Клубот на пратеници во Скопје.
Целта на настанот, како што соопштија од Министерството за животна средина и просторно планирање, е да ги обедини градоначалниците од државава како едни од најзначајните алки во справување со локални еколошки предизвици, но и акции во прилагодување и ублажување на климатските промени, преку потпишување декларација за активна заштита на животната средина и ублажување на климатските промени.
