Kосовскиот премиер, Авдулах Хоти информираше синоќа на својата ФБ страна дека е позитивен на Ковид 19.
Хоти објави дека нема видливи симптоми освен лесна кашлица, и дека премиерските обврски во следните две недели ќе ги извршува од својот дом.
„Денеска го извршив тестот за Ковид 19 и резултатот е позитивен. Немам симптоми, освен една мошне лесна кашлица. Од вечерва сум во изолација, во наредните 2 недели. Обврските ќе ги извршувам од дома“ – напиша Хоти синоќа на Фејсбук.
