Парламентот на Црна Гора денеска ја отфрли иницијативата за разрешување на нејзиниот претседател Андрија Мандиќ.
Тоа беше барањето на дел од опозицијата, која смета дека Мандиќ, лидерот на коалицијата „За иднината на Црна Гора“ „не е достоен“ да биде на чело на парламентот.
Партиите од владејачкото мнозинство беа против тој предлог на опозициските партии, предводени од најсилната меѓу нив – Демократската партија на социјалистите (ДПС).
За разрешување на Мандиќ гласаа 27 од 72 пратеници, а против 44 пратеници на Собранието, кое има вкупно 81.
