Министрите за надворешни работи на земјите-членки на ЕУ во понеделник ќе разговараат за ситуацијата во Црна Гора, соопшти денеска европски официјален претставник на брифинг со новинарите во Брисел.
Шефовите на дипломатиите на ЕУ ќе го слушнат извештајот на министрите за надворешни работи на Словенија и Австрија, кои во декември ја посетија Подгорица на барање на високиот претставник Жосеп Борел.
„Навистина бевме загрижени за проблемот со Уставниот суд во Црна Гора. Сметаме дека посетата беше многу успешна бидејќи, според мене, политичарите во Црна Гора ја разбраа пораката дека Уставот е единствениот начин да се оди напред“, рече тој.
Функционерот додаде дека „се чини дека ситуацијата се подобрува, дека има дијалог и можност за именување на двајца судии, што е услов за слободни и фер избори“, вели тој.
Претставникот појасни дека се работи за сложена уставна промена, но имајќи предвид дека состојбата во земјава се подобрува, смета дека тоа ќе се види и почувствува на министерската расправа овој понеделник во Брисел.
Советот на министри за надворешни работи во понеделник нема да носи никакви заклучоци или одлуки за Црна Гора.
