Новиот коронавирус е најактивен на температури околу 4 степени Целзиусови, додека на температура од 70 степени умира за околу 5 минути, покажало истражување на научниците од универзитетот во Хонг Конг.
На 4 степени вирусот може да живее скоро две недели, додека на температура од 70 степени умира за пет минути, се наведува во медицинското истражува објавено на сајтот medrxiv.org.
Научниците ја испитувале и одржливоста на вирусот на различни површини, па откриено е дека тој останува на површината на медицинските маски и до една недела, при собна температура и влажност на воздухот до 65 отсто.
На хартија останува помалку од 3 часа, на дрво и материјал не повеќе од два дена, на стакло може и до 4 дена, додека на челик и пластика и до една недела.
