Малкумина го знаат целосното име на британскиот актер Хју Грант, а многумина се насмејаа кога дознаа кое му е средно име. Хју Џон Мунго Грант е неговото полно име, но некои малку си поиграа и го нарекоа Хју Мунго, што од англиски би се превело како „огромно“ (humungous).
На Х се појавија многу шеги за неговото полно име, а не недостигаа и шеговити коментари.
– Ова е вашиот месечен потсетник дека средното име на Хју Грант е Мунго. Хју Мунго Грант – напиша еден корисник на Х, при што некои се шегуваа дека целото име на актерот е причината поради која тој е „постојано мрзоволен“.
Актерот неодамна зборуваше за своето име во шоуто на Џими Кимел.
– Не знам како се случи тоа. Имав многу нељубезни родители – се пошегува тој, а потоа се осврна на имињата на неговата осумгодишна ќерка, која ја има со сопругата Ана Еберштајн.
– Бевме во мала паника со сопругата на денот кога ѝ го дадовме името. Мислевме дека можеби би ѝ било забавно, кога ќе порасне, да кажува дека нејзиното средно име е Опасност (Danger.). Значи, нејзиното име е Лулу Денџер Грант – објасни тој.
