На сагата наречена „Твитер – Илон Маск“ веројатно и дојде крајот, откако најбогатиот човек на светот, според сите извештаи, се откажал од купувањето.
Станува збор за аквизиција од 44 милијарди долари, која очигледно пропадна бидејќи Маск има приговори за внатрешната политика на Твитер. Тој исход доведе до пад на акциите, а компанијата вели дека понудата на Маск да стави крај на неговата предложена аквизиција е „невалидна и погрешна“.
Писмото, упатено до адвокатите на Маск, следи по најавата на шефот на Tesla (од петокот) дека планира да го раскине договорот поради наводите дека Twitter го крие точниот број на лажни профили и спам мејлови, меѓу другото. Со други зборови, се вели дека компанијата не открива важни информации.
Социјалната мрежа додаде дека „не прекршила никакви обврски од овој договор за преземање“, објави CNBC.
Раководството на Твитер претходно објави дека е решено да ја затвори трансакцијата по цена и услови договорени со Маск и дека планира да покрене правна постапка за спроведување на договорот за „спојување“. Од моментот кога беше спомната тужбата, на интернет се крена врева, вклучително и оваа реакција на Маск на Твитер.
„Како што правеше досега, Твитер ќе продолжи да ги обезбедува информациите што господинот Маск разумно ги побарал, во согласност со Договорот, и вредно ќе ги преземе сите неопходни чекори за затворање на трансакцијата“, напиша адвокатот на американската компанија, Вилијам Савит. Тој додаде дека „Твитер ги задржува сите договорни, законски и други права, вклучувајќи го и правото конкретно да ги спроведува обврските на Маск од Договорот“.
Адвокатите кои го советувале Маск за договорот и поврзаните работи не одговорија веднаш на барањето за коментар. Акциите на Твитер, пак, паднаа за 11% до 32,65 долари по акција. Тие сега се тргуваат 40% под цената од 54,20 долари што Маск се согласи да ја плати во април.
