Шпанскиот тенисер Карлос Алкараз победи во два сета против Александар Зверев и со тоа се пласираше во полуфиналето на Индијан Велс.
Натпреварот траеше час и 20 минути, а младиот Алкараз рутински победи со 6:3, 6:1.
Малку подоцна на тоа патување му се придружи и Данил Медведев. Со малку повеќе труд, Русинот го надигра Холгер Руне со 7:5, 6:4.
Целиот меч беше многу изедначен, но поискусниот Медведев беше подобар во клучните поени и на крајот излезе како победник.
Што се однесува до полуфиналето, Алкараз ќе се сретне со Јаник Синер, додека Медведев ќе ги одмери силите со локалниот тенисер Томи Пол.
